Больш за 200 адзінак тэхнікі і каля 500 чалавек ухіляюць наступствы непагадзі на Магілёўшчыне

У ноч з суботы на нядзелю ў Магілёўскай вобласці пачаўся моцны снегапад. Снег не спыняецца і ў панядзелак, 7 красавіка. З суботы ўся сістэма ЖКГ Магілёўскай вобласці працуе ў кругласутачным рэжыме.

Паводле інфармацыі начальніка галоўнага ўпраўлення ЖКГ Магілёўскага аблвыканкама Таццяны Касаткінай, у рэгіёне зараз працуе 208 адзінак тэхнікі, а таксама каля 500 чалавек. За гарадамі і раёнамі замацаваны суб'екты гаспадарання для навядзення парадку.

У самім Магілёве працягваюцца работы па ачыстцы вуліц ад снега. Як адзначыў генеральны дырэктар МДКУП «Упраўленне камунальных прадпрыемстваў» Дзяніс Стральцоў, да непагадзі камунальныя службы былі гатовы:

- Уся тэхніка, якая ў нас ёсць, не прастойвае. Вывелі 76 адзінак, таксама працуе каля 300 дворнікаў. Глядзелі прагнозы, ведалі, што чакаюцца снегапады. Таму ўся тэхніка была гатова выходзіць на ўстараненне наступстваў стыхіі. У ноч з нядзелі на панядзелак вывелі 19 адзінак тэхнікі на расчыстку і апрацоўку вуліц, каб прывезці дарогі да ладу.

Снегапад на сёння абяцаюць да 18 гадзін. Камунальныя службы да абеду разлічваюць «раскрыць» асфальт. У распараджэнні ёсць усё неабходнае - тэхніка, мінеральны канцэнтрат у дастатковай колькасці.

СБ