Больш за 200 працоўных месцаў прапануюць суіскальнікам на міні-кірмашы вакансій у Магілёве

У Магілёве на міні-кірмашы вакансій суіскальнікам прапануюць больш за 200 працоўных месцаў. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама.

Мерапрыемства будзе арганізавана 8 чэрвеня з 11.00 да 12.00 па вул. Касманаўтаў, 17. Свабодныя вакансіі для суіскальнікаў падрыхтавалі адразу некалькі працадаўцаў. Якія маюць патрэбу ў працаўладкаванні змогуць разгледзець больш за дзве сотні прапаноў.

Рабочыя патрабуюцца ААТ «Стужка», Магілёўскай фабрыцы марожанага, Булачна-кандытарскай кампаніі «Дамачай», ААТ «Магатэкс», КУП ЖРЭУ Ленінскага раёна, Магілёўскаму філіялу Аўтобусны парк №1, маладзёжнаму цэнтру «Штаб студэнцкіх атрадаў».

БЕЛТА