Перагаворы прэзідэнтаў Беларусі і Расіі Аляксандра Лукашэнкі і Уладзіміра Пуціна ў Санкт-Пецярбургу працягваліся 5 гадзін 20 хвілін, паведамляе Telegram-канал «Пул Першага».
Сустрэча кіраўнікоў дзяржаў праходзіла ў Канстанцінаўскім палацы.
У пачатку перагавораў Аляксандр Лукашэнка адзначыў, што адно з галоўных пытанняў, якім неабходна займацца, – гэта эканоміка, бо не толькі ў дачыненні да Беларусі, але і Расіі ўводзяць або падаўжаюць санкцыі. Тым не менш Прэзідэнт упэўнены, што краіны вытрымаюць гэты ўдар: «Нават не вытрымаем–мы будзем развівацца. Гэта не пытанне. Сёння не атрымаецца манапалізаваць міжнародны парадак і націснуць на нас. Не атрымаецца! Свет змяніўся».
Аляксандр Лукашэнка назваў спрыяльным той факт, што расце тавараабарот Беларусі і Расіі. Ён пагадзіўся з тым, што любыя санкцыі – гэта магчымасці, у прыватнасці, у плане дыверсіфікацыі эканомікі, імпартазамяшчэння.
Ён таксама адзначыў неабходнасць надаваць прыярытэтную ўвагу пытанням бяспекі Беларусі і Расіі. «Як бы яны нас ні закалыхвалі (апаненты. –Заўв. БелТА), мы бачым, што паступілі ў свой час правільна, надаючы ўвагу абароне нашых дзяржаў і бяспецы. Я многае вам раскажу, што адбываецца. Дынаміка шалёная. Кожны дзень нешта мяняецца», – сказаў Прэзідэнт.
Кіраўнік дзяржавы падкрэсліў, што праціўнікі ўлады ў Беларусі перайшлі да індывідуальнага тэрору. Гэта стала наступным этапам так званай каляровай рэвалюцыі або бунту ў Беларусі. «Мы ўсіх іх вылічым. І знойдзем, прыцягнем да адказнасці, прытым у сур’ёзнай форме», – сказаў Аляксандр Лукашэнка.
Акрамя таго, расказаў Прэзідэнт, у Беларусі вельмі актыўна цяпер пачалі працу ў дачыненні да розных НКА, НДА, так званых заходніх СМІ. «Якія тут дэмакратыю нам дарылі, а фактычна ўкаранялі. І не дэмакратыю, а вось гэты вось тэрор», – адзначыў беларускі лідар.
У сваю чаргу Прэзідэнт Расіі падкрэсліў, што Беларусь застаецца для Расіі вялікім і надзейным партнёрам у эканоміцы. Ён звярнуў увагу, што, нягледзячы на знешнія выклікі, санкцыі і пандэмію, эканоміка Беларусі дэманструе нядрэнныя паказчыкі. У прыватнасці, рэспубліка абслугоўвае ўсе крэдыты, больш за тое, яе знешні доўг скарачаецца. «У гэтым сэнсе Беларусь надзейны, стабільны партнёр», – заявіў расійскі лідар.
Раней са спасылкай на Telegram-канал «Пул Першага» паведамлялася, што Аляксандр Лукашэнка і Уладзімір Пуцін дамовіліся аб сённяшняй сустрэчы яшчэ 1 ліпеня падчас тэлефоннай размовы.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 17:59
Аляксандр Лукашэнка выбраны старшынёй Усебеларускага народнага сходу
22.04.2024 - 13:56
Новае кіраўніцтва ў міністэрствах і мясцовая вертыкаль. Лукашэнка разгледзеў кадравыя пытанні
20.04.2024 - 14:05
Закладзены Прэзідэнтам Беларусі на суботніку яблыневы сад перададуць пад апеку школьнікаў
20.04.2024 - 10:36
«Беларускае салодкае» і «Сябрына». Аляксандр Лукашэнка правёў суботнік на сваёй малой радзіме
16.04.2024 - 11:48
Аляксандр Лукашэнка абазначыў задачы для аграрыяў на 2024 год