Больш за 550 зваротаў паступіла ў Магілёўскае абласное аб'яднанне прафсаюзаў за год

У мінулым годзе ў Магілёўскае абласное аб'яднанне прафсаюзаў з улікам раённых і гарадскіх аб'яднанняў паступіла больш за 550 зваротаў грамадзян. У дапамозе не адмовілі нікому.

Так, у прафсаюз звярнуўся калектыў аднаго з прадпрыемстваў вобласці. Было ўстаноўлена, што ў студзені 2023 года работнікам на патанненне харчавання выплацілі 1 базавую велічыню замест 3, прадугледжаных калдагаворам.

Галоўны прававы інспектар працы Магілёўскай абласной арганізацыі прафсаюза работнікаў лесу і прыродакарыстання Дзмітрый Мардачоў расказаў, што для ўстаранення парушэння наймальніку рэкамендавалі ўнесці змяненні ў загад. У выніку зрабілі пераразлік. Агульная сума даплаты перасягнула Br5,4 тыс.

Яшчэ адзін калектыўны зварот паступіў ад вадзіцеляў Магілёўскага УКП «Жылкамгас». Яны лічылі, што наймальнік пры ўвядзенні змяненняў дзейных умоў аплаты працы парушыў закон. Супрацоўнікаў у прадугледжаны месячны тэрмін не азнаёмілі з новым парадкам налічэння даплаты за работу на транспартным сродку са значнай ступенню зносу. Акрамя таго, заробак са жніўня 2023 года налічаўся ў няпоўным аб'ёме. Прадпрыемства правяло пераразлік - памер выплат склаў больш як Br8,700 тыс.

У іншым выпадку работнік Асіповіцкай ЦРБ паскардзіўся на невыкананне ўмоў калдагавора. На яго думку, былі парушаны тэрміны апавяшчэння аб спыненні працоўных адносін у сувязі са скарачэннем. Акрамя таго, наймальнік насуперак патрабаванню заканадаўства не даў адзін вольны дзень на тыдзень без захавання зарплаты для магчымасці працаўладкавацца ў іншым месцы. Працэдуру скарачэння пракантраляваў прадстаўнік Магілёўскай абласной арганізацыі прафсаюза работнікаў аховы здароўя.

- На асабісты прыём да старшыні абласнога аб'яднання прафсаюзаў Уладзіміру Цумарову звярнулася 8 чалавек, - паведамляе галоўны прававы інспектар працы Магілёўскага аб'яднання прафсаюзаў Іна Чабатароўская. - Людзей хвалявалі пытанні працаўладкавання, арганізацыі навучальнага працэсу, правамернасці накіравання на пазачарговы медагляд, адхіленні ад працы.

Напрыклад, станоўча вырашана пытанне па аказанні матэрыяльнай дапамогі ліфцёру завода «Магілёўтрансмаш» ААТ «МАЗ» - кіруючая кампанія холдынгу «БЕЛАВТОМАЗ» у сувязі з дарагім хірургічным і артапедычным лячэннем зубоў. На «Магілёўтрансмаш» ад абласнога аб'яднання прафсаюзаў накіравалі адпаведныя лісты. У выніку работніцы кампенсавалі Br800.

mogilev.1prof.by