Больш за 60 маладых ратавальнікаў прынеслі прысягу на вернасць Радзіме ў Магілёве

Больш за 60 маладых ратавальнікаў прынеслі прысягу на вернасць Радзіме ў Дзень пажарнай службы ў Магілёве.

Урачыстая цырымонія прайшла на Пажарным завулку ў абласным цэнтры - гэта гістарычнае месца, дзе зараджалася пажарная служба горада і вобласці.

Сярод тых, хто прынёс прысягу сёння, - Эдуард Зайцаў з Бабруйска. Малады чалавек падзяліўся, што праца ратавальніка прыцягнула яго яшчэ са школьных гадоў - удзельнічаў у спаборніцтвах «Юны ратавальнік». Так і з прафесійным шляхам вызначыўся. «Службу я буду несці ў сваім родным горадзе - у Бабруйску. У нас невялікая частка, невялікі калектыў. Але ўсе дружна і зладжана працуюць», - распавёў ён.

Як адзначыў начальнік Магілёўскага абласнога ўпраўлення МНС Дзмітрый Голубеў, у такіх цырымоніях заўсёды бяруць удзел ветэраны пажарнай службы. «Яны даюць свае пажаданні маладым людзям, тым, хто абраў для сябе шлях служэння Айчыне, аказваючы дапамогу ў надзвычайных сітуацыях», - сказаў ён.

Пераемнасць пакаленняў, падкрэсліў Дзмітрый Голубеў, для ратавальнікаў мае асаблівае значэнне. «Мне хочацца падзякаваць нашым ветэранам за тое, што яны заўсёды ў страі, заўсёды побач з намі. Яны навучаюць нашых маладых байцоў, не кідаюць іх, перадаюць свой досвед, любоў да прафесіі і нашай Радзімы», - адзначыў ён.

БЕЛТА