Беларускі рэспубліканскі саюз моладзі запрашае магіляўчан далучыцца да дабрачыннай акцыі «У школу з добрым сэрцам».

Як паведамілі ў абласным камітэце ГА «БРСМ», у ААТ «Універмаг “Цэнтральны”» 13жніўня з 15.00 патэнцыйных удзельнікаў праекта будуць сустракаць валанцёры. Яны раскажуць наведвальнікам магазіна пра акцыю і адрасатах – выхаванцах Раснянскай дапаможнай школы-інтэрната і Дрыбінскага цэнтра карэкцыйна-развіваючага навучання і рэабілітацыі.

«Скарбонка добрых сэрцаў» будзе працаваць ва ўнівермагу да 30 жніўня. Кожны жадаючы зможа пакінуць тут канцылярскія тавары і школьныя прыналежнасці, якія пасля перададуць вучням вышэйназваных устаноў адукацыі.

Акцыя «У школу з добрым сэрцам» стартавала па ўсёй краіне 1 жніўня і працягнецца па 10 верасня. Яе задача – аказаць адрасную сацыяльную падтрымку сем’ям, якія трапілі ў складаную жыццёвую сітуацыю і маюць цяжкасці, а таксама дзіцячым інтэрнатным установам пры падрыхтоўцы дзяцей-школьнікаў да новага навучальнага года.