Будаўнічыя атрады пачалі працу ў Магілёўскай вобласці

Будаўнічыя атрады пачалі працаваць на Магілёўшчыне. Зараз у іх складзе – больш за 60 чалавек. Усяго сёлета ў трэцім працоўным семестры плануецца працаўладкаваць амаль тры тысячы студэнтаў.

Навучэнцы Магілёўскага архітэктурна-будаўнічага каледжа працуюць на адным са спартыўных аб’ектаў вобласці – гэта лыжа-ролерная траса ў Чавусах. Хлопцы і дзяўчаты задзейнічаны ў добраўпарадкаванні тэрыторыі. Біятлонны комплекс з трасай 1,5 кіламетра плануюць увесці ў эксплуатацыю ў ліпені гэтага года.

Зараз у вобласці працуюць 4 будатрады. Яны працуюць у Бабруйску і Бялыніцкім раёне, у Магілёве дапамагаюць узводзіць новую паліклініку ў раёне Казіміраўка. Хутка прыступяць да справы сельскагаспадарчыя і педагагічныя атрады. Да студэнтаў могуць далучыцца і школьнікі ва ўзросце ад 14 гадоў, якія жадаюць летам не толькі адпачыць, але і зарабіць.

ТРК «Магілёў»