Чэмпіёнка II Еўрапейскіх гульняў у вольнай барацьбе Ірына Курачкіна падтрымала спартыўную школу Магілёва

Чэмпіёнка II Еўрапейскіх гульняў у вольнай барацьбе Ірына Курачкіна падтрымала спартыўную школу Магілёва ў праекце «Алімпійскі шлях», паведамілі ў прэс-службе Прэзідэнцкага спартыўнага клуба.

Ірына Курачкіна раней заваёўвала тытулы чэмпіёнкі Еўропы сярод моладзі ў 2017 годзе, чэмпіёнкі Еўропы ў 2018 годзе і дадала да сваёй калекцыі залаты медаль II Еўрапейскіх гульняў у Мінску. Выхавалі маладую спартсменку ў Магілёўскім абласным комплексным цэнтры алімпійскага рэзерву, куды і была накіравана дапамога ў памеры Br15 тыс.

Прэзідэнцкі спартыўны клуб ладзіць акцыю ў пяты раз. «Алімпійскі выбар» пачаўся падчас галоўных стартаў чатырохгоддзя ў 2012 годзе ў Лондане і прадоўжыўся на Гульнях у Сочы-2014, Рыа-2016 і ў Пхенчхане-2018.

Арганізатары праекта спадзяюцца, што поспехі беларускіх спартсменаў у Мінску стануць пралогам і стымулам да іх не менш запамінальных выступаў у алімпійскім Токіа-2020.

Прэзідэнцкі спартыўны клуб рэалізуе гэты праект пры падтрымцы Нацыянальнага алімпійскага камітэта, Міністэрства спорту і турызму і фонду «Дырэкцыя II Еўрапейскіх гульняў 2019 года».

Па матэрыяле БЕЛТА