ЦВК для камісій па выбарах Прэзідэнта распрацаваны метадычныя дапаможнікі

Для камісій па выбарах Прэзідэнта ЦВК распрацаваны метадычныя дапаможнікі, заявіў старшыня ЦВК Ігар Карпенка.

«Для камісій па выбарах Прэзідэнта Цэнтральная камісія распрацавала метадычныя дапаможнікі. Акрамя таго, мы плануем навучыць трэнераў з рэгіёнаў, якія затым змогуць правесці адпаведныя навучальныя заняткі (трэнінгі) на месцах для кіраўніцтва і сябраў участковых камісій з мэтай аднастайнага прымянення імі выбарчага заканадаўства», - сказаў Ігар Карпенка.

Цяпер вядзецца работа па стварэнню навучальнага відэафільма для ўчастковых камісій, які дэманструе парадак правядзення галасавання, адзначыў кіраўнік ЦВК. «Пасля фармавання камісій будуць таксама праводзіцца семінары, нарады, датычныя асаблівасцяў правядзення выбараў кіраўніка дзяржавы. На кожным этапе кампаніі Цэнтральная камісія будзе прымаць пастановы, датычныя рэгістрацыі ініцыятыўных груп па вылучэнні кандыдатаў у Прэзідэнты, кандыдатаў у Прэзідэнты, перадвыбарнай агітацыі, правядзення галасавання», - дапоўніў ён.

БЕЛТА