Цягнікі бізнес-класа Мінск-Магілёў сфарміруюць з вагонаў лакаматыўнай цягі: розніцу ў кошце можна вярнуць

Цягнікі бізнес-класа Мінск–Магілёў 20–24 студзеня сфарміруюць з вагонаў лакаматыўнай цягі, розніцу ў кошце можна вярнуць у білетных касах, паведамілі ў прэс-цэнтры Беларускай чыгункі.

Па тэхнічных прычынах з 20 па 24 студзеня ў зносінах Мінск – Магілёў – Мінск наступныя цягнікі міжрэгіянальных ліній бізнес-класа будуць сфарміраваны з вагонаў лакаматыўнай цягі: №744 Мінск – Магілёў адпраўленнем 20, 21 і 23 студзеня, № 745 Магілёў – Мінск (21 і 23 студзеня), № 741 Магілёў – Мінск (22 і 24 студзеня), № 742 Мінск – Магілёў (22 і 24 студзеня), № 743 Магілёў – Мінск (21 і 23 студзеня), № 746 Мінск – Магілёў (22 студзеня).

«Пасажыры могуць ехаць у гэтых цягніках па раней набытых праязных дакументах. Вяртанне розніцы ў кошце будзе праводзіцца пры звароце ў білетныя касы Беларускай чыгункі пасля праезду пры наяўнасці адпаведнай пазнакі ў праязным дакуменце, зробленай упаўнаважаным работнікам цягніковай брыгады», – растлумачылі ў БЧ.

БЕЛТА