Дакументы аб рэгістрацыі ініцыятыўных груп для вылучэння кандыдатаў у Прэзідэнты трэба падаць не пазней за 1 лістапада

Дакументы аб рэгістрацыі ініцыятыўных груп па зборы подпісаў для вылучэння кандыдатаў у Прэзідэнты неабходна падаць не пазней за 1 лістапада, заявіў старшыня ЦВК Ігар Карпенка.

Паводле яго слоў, не пазней за 31 кастрычніка неабходна падаць у органы, якія ўтвараюць тэрытарыяльныя камісіі, дакументы аб вылучэнні прадстаўнікоў у іх склад.

ЦВК зацвердзіла каляндарны план арганізацыйных мерапрыемстваў па падрыхтоўцы і правядзенні выбараў Прэзідэнта Беларусі. Каляндарны план змяшчае сем раздзелаў, кожны з якіх адлюстроўвае адпаведныя паслядоўныя этапы правядзення выбараў Прэзідэнта Рэспублікі Беларусь і змяшчае канкрэтныя тэрміны фарміравання тэрытарыяльных і ўчастковых камісій, участкаў для галасавання, раздзелы, якія датычацца тэрмінаў і канкрэтных дат вылучэння кандыдатаў у Прэзідэнты Рэспублікі Беларусь, іх рэгістрацыі, тэрміны перадвыбарнай агітацыі. Асобным раздзелам прапісаны тэрміны адкрыцця спецыяльнага выбарчага рахунку для аплаты расходаў і паслуг, звязаных са зборам подпісаў выбаршчыкаў, і тэрміны адкрыцця спецыяльнага выбарчага рахунку для фінансавання расходаў па вядзенні перадвыбарнай агітацыі, а таксама тэрміны прадастаўлення справаздачнасці па напаўненню сродкаў такіх фондаў і па расходаванню сродкаў выбарчых фондаў.