Даведацца пра святы Пакроў і Дзень маці, а таксама змайстраваць паштоўку запрашае музей Масленікава на выходных

Магілёўскі абласны музей ім. П.У. Масленікава запрашае магіляўчан і гасцей горада на традыцыйныя «Музейныя сустрэчы па выхадных». Пра гэта расказалі ва ўстанове адукацыі.

Так, у нядзелю 13 кастрычніка а 13:00 пройдзе інтэрактыўны занятак «Пакроў. Дзень маці» (6+). Падчас заняткаў юныя наведвальнікі даведаюцца аб традыцыях і асаблівасцях гэтых свят.

Супрацоўнікі музея ў займальнай форме раскажуць пра творы выяўленчага мастацтва, у якіх найбольш яскрава адбіўся вобраз маці. У праграме таксама прагучаць цудоўныя музычныя кампазіцыі, прысвечаныя Пакрову і Дзеве Марыі. Акрамя таго, у хлопчыкаў і дзяўчынак будзе магчымасць стварыць для мам выдатныя паштоўкі.

Рэд.