Дэлегацыя Магілёўскай вобласці прыбыла ў Астрахань

Дэлегацыя Магілёўскай вобласці на чале са старшынёй Магілёўскага аблвыканкама Анатолем Ісачанкам з рабочым візітам прыбыла ў Астраханскую вобласць.

У складзе дэлегацыі — прадстаўнікі органаў улады, свабоднай эканамічнай зоны «Магілёў», Магілёўскага аддзялення Беларускай гандлёва-прамысловай палаты, кіраўнікі буйных прадпрыемстваў, гандлёвых сетак. Запланавана сустрэча членаў магілёўскай дэлегацыі з губернатарам Астраханскай вобласці Ігарам Бабушкіным, дзелавыя перагаворы ў рэгіянальных міністэрствах і ведамствах, наведванне шэрага прадпрыемстваў.

Галоўнай падзеяй візіту 28 кастрычніка стане дзелавы форум «Астраханска-Магілёўскае партнёрства: выхад на рынкі краін Прыкаспія».

Праграмай дзелавога форуму прадугледжана правядзенне пленарнага пасяджэння, панэльнай сесіі, В2В і В2G перагавораў паміж прадстаўнікамі астраханскіх і магілёўскіх дзелавых колаў і органаў улады. На форум запрошаны кіраўнікі консульскіх устаноў, размешчаных у Астрахані.

mogilevnews.by