Дэпутат Ігар Марзалюк стаў вядучым праекта СТВ

Ігар Марзалюк–дэпутат і гісторык – стаў вядучым грамадска-палітычнага ток-шоу«У абстаноўцы міру». Ён і яго госці–палітыкі, грамадскія дзеячы, эксперты–штотыдзень будуць збірацца за гістарычным круглым сталом, каб слухаць і чуць часам палярныя пазіцыі адзін аднаго.

– Грамадска-палітычная перадача, якую мы будзем весці, будзе накіраваная на кансалідацыю беларусаў, беларускага грамадства над нейкімі сацыяльна-палітычнымі адрозненнямі. Таму што ёсць паняцце дзяржаўных інтарэсаў, ёсць паняцце нацыянальных інтарэсаў. Мы можам па-рознаму трактаваць тыя ці іншыя палітычныя працэсы, мы можам па-рознаму глядзець на нейкія розныя бакі нашага жыцця (сацыяльныя, палітычныя, эканоміку). Але самае галоўнае, мы прапануем узамен і дзеля чаго мы гэта робім, –гаворыць Ігар Марзалюк.

Праграма ад 26 лютага прысвечана тэме «Таксі ў Беларусі», у якой удзельнікі абмеркавалі, як Uber і Яндэкс паўплывалі на рынак перавозак.