Другакурсніца МДУ імя Куляшова прадставіць Магілёўскую вобласць у фінале конкурсу «Студэнт года»

Другакурсніца Магілёўскага дзяржаўнага ўніверсітэта імя А.А. Куляшова Лізавета Ёнаш прадставіць рэгіён у рэспубліканскім фінале конкурсу «Студэнт года».

За ганаровае права называцца лепшым студэнтам Магілёўскай вобласці змагаліся 10 найлепшых прадстаўнікоў устаноў вышэйшай адукацыі рэгіёну - дзевяць дзяўчат і адзін хлопец. Сярод удзельнікаў - студэнты Беларуска-Расійскага ўніверсітэта, Магілёўскага дзяржаўнага ўніверсітэта імя А.А. Куляшова, Беларускага дзяржаўнага ўніверсітэта харчовых і хімічных тэхналогій, БДСГА. Усе канкурсанты дабіліся высокіх вынікаў у вучобе, праявілі сябе ў розных сферах дзейнасці, а таксама актыўна ўдзельнічаюць у грамадскім жыцці.

Студэнты атрымлівалі адзнакі журы за самапрэзентацыю, творчае апавяданне аб універсітэце і будучай прафесіі, а таксама дэманстрацыю талентаў і ўменняў, у ліку якіх - акцёрскае майстэрства, вакал, харэаграфія, паэзія. Па выніках усіх выпрабаванняў лепшай прызнана Лізавета Ёнаш. Дзяўчына вучыцца на гісторыка-філалагічным факультэце і ўвесь вольны ад вучобы час прысвячае любімаму захапленню - харэаграфіі.

Лізавета падкупіла журы шчырасцю і жыццялюбствам: пераможца жыве сучаснасцю і не адкладае нічога на потым, а таксама верыць, што трэба шанаваць кожную хвіліну. Тытул «Студэнт года» стаў для яе нечаканай і вельмі значнай узнагародай, якой, як прызналася дзяўчына, не было б без падтрымкі родных і блізкіх, а таксама прадстаўнікоў універсітэта і Беларускага рэспубліканскага саюза моладзі. «Вы былі заўсёды са мной побач, дапамагалі і верылі ў мяне. Дзякуй за гэта вялізнае! Усіх вельмі люблю!» - не стрымлівала яна эмоцый пасля перамогі.

Другое месца ў конкурсе «Студэнт года» дасталася трэцякурсніцы інжынерна-інавацыйнага факультэта Беларускага дзяржаўнага ўніверсітэта харчовых і хімічных тэхналогій Эліне Стараселец. У вольны ад вучобы час дзяўчына захапляецца чытаннем вершаў, фотамастацтвам, спевамі і танцамі.

«Я падахвоцілася ўдзельнічаць у конкурсе сама, каб паказаць усе свае таленты, - распавяла яна. - Не магу сказаць, што конкурсныя выпрабаванні выклікалі ў мяне складанасці. Адзінае, з чым прыйшлося спраўляцца, - хваляванне перад выхадам на сцэну. Лічу, што студэнцтва - выдатны час, калі трэба браць ад жыцця ўсё - і ў вучобе, і ў творчасці».

Дыплом трэцяй ступені ўзяла Марыя Церахава, студэнтка трэцяга курса электратэхнічнага факультэта Беларуска-Расійскага ўніверсітэта. Дзяўчына захапляецца конным спортам і тэатрам. У жыцці яна заўсёды кіруецца прынцыпам: не бойся няўдачы - бойся не паспрабаваць.

Адзіны хлопец Ягор Юрачка хоць і не патрапіў у тройку лідэраў, але ўсё роўна не шкадуе аб удзеле: прызнаецца, што гэта быў бясцэнны досвед. «Праца па падрыхтоўцы была зроблена вялікая, сіл укладзена вельмі шмат, - адзначыў другакурснік факультэта бізнесу і права БДСГА. - У любым выпадку ўсё было не дарма: паказаў сябе і свае магчымасці, а таксама змог зразумець, на што здольны. Я з дзяцінства пазіцыяную сябе як творчы чалавек, люблю і паважаю тэатральнае мастацтва і паэзію, таму сёння чытаў са сцэны вершы ўласнага сачынення на тэму студэнцтва. Мерапрыемства, якое прайшло ў прыватнасці, і дзяржаўная маладзёжная палітыка ў цэлым дапамагае нам развівацца як у вучобе, так і ў творчасці. У нашай краіне дарога для студэнтаў і маладых спецыялістаў адкрыта ўсюды».

«Студэнт года» - наш самы яркі і творчы конкурс, - падкрэсліў першы сакратар абкама БРСМ Аляксандр Саксонаў. - Сёння на сцэне адной вялікай камандай сабраліся прадстаўнікі ўсіх ВНУ. за сябра, перажывалі і падтрымлівалі. І гэты аб'яднальны пасыл вельмі важны».

Маладзёжны лідэр рэгіёну таксама дадаў, што ў студэнцкіх калектывах вялікая ўвага надаецца не толькі вучобе, але і пазаўрочнай дзейнасці - студатрадаўскаму руху, рэалізацыі праектаў па раскрыцці творчага і інтэлектуальнага патэнцыялу. хлопцам раскрывацца ў новым фармаце. моладдзю: як мы сёння з ёй папрацуем, так у далейшым і будзе развівацца наша краіна», - сказаў на заканчэнне ён.

БЕЛТА