Другі дзень «Марафона адзінства» ў Бабруйску

Бабруйск вельмі вылучаецца на карце «Марафона адзінства», шмат што праходзіць тут упершыню. Пра гэта распавёў прадстаўнік працоўнай групы па арганізацыі і правядзенні акцыі «Марафон адзінства», дырэктар Палаца Рэспублікі Максім Прыхадоўскі.

Другі дзень «Марафона адзінства» падрыхтаваў разнастайныя лакацыі, выставы і экспазіцыі пад адкрытым небам, гарадскі квэст «Гэта ўсё маё роднае», нефармальныя зносіны з генеральным дырэктарам Нацыянальнай бібліятэкі Беларусі Вадзімам Гігіным, 21-разовым паралімпійскім чэмпіён Ігарам Бокім, заслужаным артыстам Рэспублікі Беларусь Русланам Аляхно, радыёвядучым, галоўным рэдактарам «Альфа Радыё» Вадзімам Шапетам падчас «Знакавай сустрэчы», выступленне Прэзідэнцкага аркестра і многае іншае.

А завершыць суботні вечар канцэрт, які пройдзе ў «Бабруйск-Арэне». У ліку тых, хто заяўлены ў праграме, - Прэзідэнцкі аркестр (гл. дырыжор В.Кульбакоў), заслужаны артыст Рэспублікі Беларусь Руслан Аляхно, заслужаная артыстка Рэспублікі Беларусь Алена Ланская, арт-група «Беларусы», Юлія Быкава, Яўген Алейнік і група АУРА, спявак, кампазітар Віталь Гардзей. Выступяць на бабруйскай сцэне калектывы з Мінскай і Гродзенскай абласцей.

Як распавёў прадстаўнік працоўнай групы па арганізацыі і правядзенні акцыі «Марафон адзінства», дырэктар Палаца Рэспублікі Максім Прыхадоўскі, акцыя ў Бабруйску набудзе новае гучанне. «Бабруйск будзе выдзяляцца, таму што шмат што пройдзе тут упершыню. Упершыню прыедзе заслужаны калектыў Беларусі Прэзідэнцкі аркестр. Пашыраецца колькасць прадпрыемстваў, дзе пабывае «Марафон адзінства», - сказаў ён. - Я запрашаю на свята, якое будзе праходзіць у горадзе два дні, усіх бабруйчан».

БЕЛТА