Два цэнтры для дзяцей і моладзі плануюць адкрыць на базе былога Бабруйскага філіяла БДЭУ

Два цэнтры для дзяцей і моладзі плануюць адкрыць на базе былога Бабруйскага філіяла Беларускага дзяржаўнага эканамічнага ўніверсітэта. Аддзяленне закрылася ў верасні 2017 года. Яго корпус на Сацыялістычнай, 90 пакуль пустуе.

Аднак неўзабаве тут маюць намер адкрыць Цэнтр бяспекі жыццядзейнасці, дзе пад кіраўніцтвам ратавальнікаў дзеці будуць вучыцца правільным паводзінам на вадаёмах, у побыце, парадку абыходжання з гаручымі матэрыяламі, аказанню першай медыцынскай дапамогі і інш. Частку корпуса зойме Цэнтр творчасці, дзе хлопчыкі і дзяўчынкі змогуць навучацца вакалу, харэаграфіі, маляванню, дэкаратыўна-прыкладному мастацтву, займацца спортам, робататэхнікай.

Плануецца, што ўжо з першага верасня корпус напоўніцца дзіцячымі галасамі. Музей баявой славы, які размяшчаецца на другім паверсе, захаваюць.