Вясёлае і займальнае свята падрыхтаваў для дзяцей Магілёўскі інстытут МУС. Мерапрыемства прымеркавана да Дня абароны дзяцей, паведаміла афіцыйны прадстаўнік ВНУ Марына Грамыка.
Упершыню на свяце пройдзе конкурс кампазіцый з паветраных шароў сярод каманд курсаў факультэта міліцыі. Тут прадставяць музычна-забаўляльную праграму з гульнямі, лялькамі, паветранымі шарамі, выступленнямі прафесійныхклоўнаў. Дзеці змогуць «намаляваць» святочнае тату, пачаставацца прысмакамі, папкорнам і салодкай ватай.
«Гледачы ўбачаць выступленне групы рукапашнага бою, – адзначыла субяседніца. – Таксама будзе арганізавана работа выстаў спецыяльных сродкаў, якія выкарыстоўваюцца ў паўсядзённай дзейнасці ДАІ, патрульна-паставой службы міліцыі, МНС, узбраення і спецсродкаў супрацоўнікаў Дэпартамента аховы і мытні. Кафедра крымінальнага працэсу і крыміналістыкі інстытута прадэманструе розныя прылады і прыстасаванні з вобласці крымтэхнікі».
Удзельнікамі свята стануць дзеці з цэнтра медыцынскай рэабілітацыі дзяцей-інвалідаў з паражэннем цэнтральнай нервовай сістэмы і апорна-рухальнага апарата. Запрошаны навучэнцы школ горада.
Мерапрыемства адбудзецца ў Магілёўскім інстытуце МУС 31 мая ў 15.00. Уваход вольны.
Пры выкарыстанні матэрыялаў актыўная гіперспасылка на mogilev-region.gov.by абавязковая
10.09.2025 - 14:45
10.09.2025 - 11:13
08.09.2025 - 09:14
Моладзь Саюзнай дзяржавы: памяць аб ВАВ - гэта не проста старонкі падручнікаў, а наш маральны шчыт
05.09.2025 - 12:08
Творчыя конкурсы, майстар-класы, экскурсіі: Магілёў прымае фестываль «Моладзь - за Саюзную дзяржаву»
05.09.2025 - 10:25
Яркі старт конкурснай праграмы фестывалю Саюзнай дзяржавы ў Магілёве