Дзіцячае свята «Усміхніся, Планета!!! У Магілёве – лета!» арганізуюць 3 ліпеня ў парку Падміколле

Дзіцячае свята «Усміхніся, Планета!!! У Магілёве – лета!» арганізуюць 3 ліпеня з 12.00 да 16.00 у парку Падміколле. Яно стане часткай мерапрыемстваў, прысвечаных Дню Незалежнасці Рэспублікі Беларусь і Дню горада.

Дзяцей і іх бацькоў чакаюць канцэртна-гульнявая праграма, патрыятычныя акцыі «#символымоейстраны»#, «#люблюБеларусь#», цікавыя і пазнавальныя гульні, майстар-класы, віктарыны, квэсты і многае іншае. Наведвальнікі змогуць прыняць удзел у працы інтэрактыўных і гістарычных пляцовак «Лета турыстычнае», «Я люблю Магілёў», «#Мая_Зямля_Прыдняпроўе», «Легенды пра Машэку», «Магілёў эпохі Сярэднявечча», «Магілёў у складзе царскай Расіі», «Магілёў савецкі», «Магілёў – горад мужнасці і баявой славы». Суперактыўных дзяцей і дарослых запросяць паўдзельнічаць у спартыўных спаборніцтвах.

Галоўнае правіла на свяце – бяспека. Таму тут не забудуць размясціць пляцоўкі «Ваенная медыцынская камісія» і Магілёўскага абласнога ўпраўлення Дэпартамента аховы МУС, дзе задзейнічаюць кіналагічную службу.