Эфектыўнае выкарыстанне дзяржсродкаў пры ўзвядзенні сацыяльна значных аб’ектаў – на пастаянным кантролі КДК Магілёўскай вобласці

У Камітэце дзяржаўнага кантролю Магілёўскай вобласці на пастаянным кантролі знаходзіцца пытанне эфектыўнага выкарыстання дзяржаўных сродкаў пры ўзвядзенні сацыяльна значных аб’ектаў. Пра гэта паведаміў старшыня ведамства Алег Садоўскі.

Як паказалі праведзеныя ў 2018-м і студзені-сакавіку 2019 года кантрольныя мерапрыемствы, завышэнні кошту будаўніцтва аб’ектаў рознага прызначэння ў вобласці пакуль не выкараненыя. Кантралюючыя органы па-ранейшаму працягваюць выяўляць неадзінкавыя парушэнні ў гэтай сферы.

Па прапановах Камітэта па 11 аб’ектах, збудаваных у 8 рэгіёнах вобласці (у Магілёве, Быхаўскім, Кіраўскім, Касцюковіцкім, Круглянскім, Магілёўскім, Мсціслаўскім, Шклоўскім раёнах), удзельнікі будаўніцтва вярнулі ў бюджэт каля Br75 тыс.завышэнняў.

За дапушчаныя парушэнні заканадаўства 10 арганізацый і 16 іх службовых асоб прыцягнуты Камітэтам да адміністрацыйнай адказнасці на Br29,1 тыс.

У ходзе праведзеных у галіне банкамі кантрольных абмераў завышэнні кошту будаўніцтва з прыцягненнем ільготных крэдытных рэсурсаў выяўлены больш чым на 25 аб’ектах на агульную суму Br1,1 млн. Завышэнні вернуты банкам на пагашэнне льготных крэдытаў або зняты з разлікаў (зэканомленыя).

Кантроль за выкарыстаннем дзяржсродкаў у сферы будаўніцтва працягваецца.