Экалагічны студэнцкі атрад «Садружнасць» імя Героя Савецкага Саюза Б.Л.Хігрына ў складзе 9 навучэнцаў СШ №2 Бялынічаў і маладога настаўніка-камандзіра Кацярыны Журыкавай пачаў працу ў Бялыніцкім раёне.
Дзеці працуюць у якасці лесаводаў 2-га разраду на базе Тэхцінскага доследна-вытворчага лясніцтва ў пастаянным лясным гадавальніку, агульная плошча якога складае больш за 25 гектар.
У абавязкі байцоў студатрада ўваходзіць праполка пасеваў лясных культур і догляд іх.
Дарэчы, гэта ўжо другі студэнцкі атрад, сфарміраваны ў Бялыніцкім раёне з ліку навучэнцаў агульнаадукацыйных школ для працы ў пазаўрочны час. Першым быў будаўнічы і працаваў на базе СВК «Калгас «Радзіма».
Усяго сёлета плануецца працаўладкаваць у складзе студатрадаў 120 падлеткаў ва ўзросце ад 14 гадоў і старэйшых. Прымаючымі арганізацыямі згодна з рашэннем райвыканкама сталі Бялыніцкі лясгас, жылкамгас і ўсе сельгаспрадпрыемствы раёна.
Пры выкарыстанні матэрыялаў актыўная гіперспасылка на mogilev-region.gov.by абавязковая
31.05.2024 - 12:57
Абласны тур «Уладара вёскі» пройдзе 15 чэрвеня ў Бялыніцкім раёне
24.05.2024 - 12:43
Абласны тур ваенна-патрыятычнай гульні «Арляня» адбудзецца 29 траўня і збярэ каля 200 школьнікаў
23.05.2024 - 11:54