Рус Бел Eng 中文

Экапосуд з дрэва і керамікі прывязуць у Александрыю хоцімскія майстры

Інавацыйны праект «Экапосуд Хоцімшчыны» прадставіць Хоцімскі раённы Дом рамёстваў на рэспубліканскім свяце«Купалле». Як расказала загадчык установы культуры Вольга Калтунова, майстры народнага промыслу і рамёстваў прадэманструюць экалагічны посуд з дрэва і керамікі.

Так, Ніна Рагоўская будзе здзіўляць гасцей і ўдзельнікаў фестывалю посудам з керамікі ангобнага роспісу: «Валачоныя збаны, распісныя. У нас толькі ў Хоцімску ёсць ангобны роспіс. Наша Ніна Сямёнаўна распрацавала яго сама».

Майстар па мастацкай апрацоўцы дрэва Андрэй Зубрыцкі прывязе ў Александрыю ўнікальныя наборы посуду на некалькі персон. Такім карысталіся сяляне ў далёкія часы. Яго апрацоўвалі льняным алеем, каб можна было накладваць ежу, і абпальвалі. Паводле слоў Вольгі Калтуновай, госці свята ўбачаць талеркі, лыжкі, кружкі, чаркі, цукарніцы.

Адзіны на Хоцімшчыне бондар Аляксандр Мяшкоў выставіць у Александрыі 10 бочак розных найменняў і фарматаў.

«Радыё Магілёў»
 

 

Пры выкарыстанні матэрыялаў актыўная гіперспасылка на mogilev-region.gov.by абавязковая