Экскурс у гісторыю, квэсты і кінамарафон. Тыдзень народнага адзінства пройдзе ў бібліятэках Магілёва

У бібліятэках Магілёва з 12 па 17 верасня пройдзе Тыдзень народнага адзінства. Пра гэта расказалі ў Цэнтральнай гарадской бібліятэцы імя К. Маркса.

Адкрыюць цыкл тэматычных мерапрыемстваў інтэрактыўныя экскурсіі «Параднёныя сэрцамі... Гарады-пабрацімы: разам у будучыню», далучыцца да якіх можна з 12 па 14 верасня ў цэнтральнай гарадской бібліятэцы.

Працягнецца тыдзень разнастайнымі акцыямі памяці і экскурсам у гісторыю: з 12 па 17 верасня кожны жадаючы зможа пазнаёміцца з нацыянальнай культурнай спадчынай падчас пазнавальнай праграмы «Радзіма бывае розная, але ва ўсіх яна адна». У цэнтральнай бібліятэцы пройдзе сустрэча-рандэву, дзіцячая бібліятэка-філіял № 10 запрашае на гістарычны экскурс «Гартаючы старонкі гісторыі», а інфармацыйныя сустрэчы «Сімвалы любімай Беларусі» пройдуць у бібліятэцы-філіяле № 9.

Прадумана насычаная праграма і для анлайн-фармату. Так, 13 верасня самых актыўных карыстальнікаў сацыяльных сетак у акаўнтах бібліятэк горада запрашаюць на анлайн-акцыю «Давайце сябраваць», а 15 верасня, у Дзень бібліятэк, усіх геймераў установа запрашае на фестываль квэстаў і гульняў.

Вывучыць гісторыю нашай краіны з дапамогай анлайн-гульні «Мая Беларусь» можна будзе 16 верасня. У гэты ж дзень можна будзе вывучыць інтэрактыўны плакат «Колеры маёй Беларусі» і паўдзельнічаць у квэсце «Я і мая краіна». Усё гэта можна будзе знайсці на сайтах устаноў культуры.

Для аматараў кінематографа 17 верасня пройдзе кінамарафон «Ведай нашых». Тэматычны інтэрактыў «Міколка-паравоз» адбудзецца ў бібліятэцы-філіяле № 6 і дзіцячай бібліятэцы-філіяле № 9. Прыхільнікаў творчасці беларускіх класікаў чакаюць бібліятэка-філіял № 2 імя І. Шамякіна на прагляд фільма «Вазьму твой боль» і Бібліятэка-філіял № 9 імя Я. Купалы з мастацкім фільмам «Тутэйшыя».

З больш падрабязнай праграмай можна азнаёміцца на афіцыйным сайце Цэнтралізаванай сістэмы дзяржаўных публічных бібліятэк Магілёва.

БЕЛТА