RU BY EN 中文
Twitter Instagram

Экскурсію ў свет прафесій для школьнікаў зладзілі ў Мсціславе навучальныя ўстановы і раённыя службы

Своеасаблівую экскурсію ў свет прафесій для школьнікаў зладзілі ў Мсціславе навучальныя ўстановы і раённыя службы. На канферэнцыю па прафарыентацыі з усяго раёна з’ехаліся выпускнікі 9-х і 11-х класаў.

Агітбрыгады з ВНУ і тэхнікумаў распавядалі аб правілах паступлення ў навучальныя ўстановы, факультэтах, спецыяльнасцях, умовах навучання і пражывання. У сваю чаргу раённыя ўлады далі інфармацыю аб самых запатрабаваных спецыяльнасцях у рэгіёне і аб сацыяльным пакеце для маладых спецыялістаў.

Свае прэзентацыі зладзілі Беларуская дзяржаўная сельскагаспадарчая акадэмія, Віцебская дзяржаўная акадэмія ветэрынарнай медыцыны, Беларуска-Расійскі ўніверсітэт, Магілёўскі дзяржаўны ўніверсітэт імя А. А. Куляшова, а таксама прафесійна-тэхнічныя каледжы.

Будучыя абітурыенты мелі магчымасць не толькі задаць пытанне прадстаўнікам навучальных устаноў, але і паўдзельнічаць у майстар-класах. Напрыклад, асвоіць асновы цаглянага мура. Дзякуючы профільным класам, многія старшакласнікі загадзя зрабілі папярэдні выбар будучай прафесіі. У 53 школах Магілёўскай вобласці па жаданні вучняў створаны агракласы, а ў 46 школах – класы педагагічнага профілю.

mogilevnews.by

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая