Электронны кірмаш вакансій пройдзе ў Магілёве 16 лютага. Пра гэта паведамілі ва ўпраўленні па працы, занятасці і сацыяльнай абароне гарвыканкама.
У гэты дзень з 10.00 да 12.00 у саіскальнікаў будзе магчымасць пагутарыць з наймальнікамі Магілёва ў рэжыме анлайн. «Падчас кірмашу ўсе, хто шукае працу, змогуць знайсці прыдатную вакансію, перадаць свае рэзюмэ і задаць наймальнікам пытанні, і, калі ўсё задавальняе, атрымаць запрашэнне на рэальнае субяседаванне», – адзначылі суразмоўцы.
На гэтым кірмашы прапануюць больш за 300 свабодных працоўных месцаў ад прадпрыемстваў і арганізацый Магілёва. Доступ да прадстаўленых вакансій захаваецца і пасля кірмашу, яны будуць аўтаматычна перанесены ў базу даных на партале службы занятасці.
Кірмаш вакансій пройдзе на электроннай пляцоўцы e-vacancy.by.
Пры выкарыстанні матэрыялаў актыўная гіперспасылка на mogilev-region.gov.by абавязковая
03.05.2024 - 11:13
03.05.2024 - 10:47
02.05.2024 - 15:29