Энергетыкі Беларусі ліквідуюць наступствы разгулу стыхіі, вяртаючы электразабеспячэнне пацярпелым рэгіёнам, па стане на 15.00 работы па ўстараненні наступстваў непагадзі працягваюцца ў 29 населеных пунктах краіны. Пра гэта паведамілі ў «Белэнерга».
Складаная абстаноўка захоўваецца ў Быхаўскім, Шклоўскім, Магілёўскім раёнах Магілёўскай вобласці і ў Гарадокскім раёне Віцебскай вобласці.
Кругласутачна брыгады працуюць ва ўзмоцненым рэжыме, прымаюць усе магчымыя меры па ліквідацыі наступстваў стыхіі ў максімальна кароткія тэрміны з захаваннем патрабаваных мер бяспекі.
На аднаўленні электразабеспячэння задзейнічана 75 аварыйных брыгад і 75 адзінак спецтэхнікі. Да ліквідацыі наступстваў стыхіі прыцягнуты спецыялісты з усіх рэгіёнаў Беларусі. Таксама задзейнічаны будаўніча-мантажны комплекс энергасістэмы. У якасці часовай меры для забеспячэння спажыўцоў электраэнергіяй выкарыстоўваюцца 8 дызель-генератарных установак.
«Улічваючы неспрыяльны прагноз надвор'я на бягучыя суткі, энергетыкі ажыццяўляюць пастаянны маніторынг аператыўнай абстаноўкі, каб неадкладна рэагаваць на няштатныя сітуацыі, якія ўзнікаюць. У выпадку выяўлення абарваных правадоў ліній электраперадачы не падыходзьце да іх бліжэй за 8 м і неадкладна паведамляйце аб дадзеных фактах. Кароткі нумар аварыйных службаў - 115 і 144», - адзначылі ў «Белэнерга».
Пры выкарыстанні матэрыялаў актыўная гіперспасылка на mogilev-region.gov.by абавязковая
11.07.2025 - 17:16
11.07.2025 - 16:57
У Магілёўскай вобласці створана каманда хлебаробаў з работнікаў МНС
11.07.2025 - 10:55
