Юбілейны фестываль Магілёўскай лігі КВЗ пройдзе ў абласным цэнтры на сцэне Палаца культуры вобласці 28 лютага. Пра гэта паведаміў дырэктар абласнога савета РМГА «Беларуская ліга КВЗ» Віталь Кудасаў.
«Цяперашні сезон для Магілёўскай лігі юбілейны – сёлета мы адзначаем сваё 35-годдзе. І на фестываль ужо падала заяўкі 15 каманд – з Магілёва, Віцебска, Мінска, Горак і Баркалабава Быхаўскага раёна, – адзначыў Віталь Кудасаў. – Ужо цяпер мы ведаем, што фестываль атрымаецца яркім і цікавым. Усе каманды разнапланавыя, ёсць нават монакаманды – у іх складзе ўсяго адзін чалавек».
Па словах Віталя Кудасава, усе ўдзельнікі настроены на цікавы сезон і, вядома ж, перамогу. «Мы спадзяёмся, што ўсе гульні гэтага сезона будуць праходзіць на сцэне, а не ў рэжыме анлайн. Таму што нішто не заменіць жывых зносін са сваім гледачом, а госці фестывалю змогуць зарадзіцца пазітыўнымі эмоцыямі», – адзначыў дырэктар абласнога савета.
Па выніках фестывалю вызначыцца спіс удзельнікаў новага гумарыстычнага сезона ў Магілёўскай вобласці.
Пачатак фестывалю ў 17.00. Кошт квітка–Br7.
Пры выкарыстанні матэрыялаў актыўная гіперспасылка на mogilev-region.gov.by абавязковая
27.02.2024 - 14:43
Праект «Памяць пакаленняў у імя будучыні» дазволіць моладзі больш даведацца пра вайну - Асмалоўская
23.02.2024 - 12:21
Горкі прэтэндуюць на статус сталіцы духоўнага адраджэння моладзі
23.02.2024 - 10:50
Як галасуе моладзь на ўчастку для галасавання ў БДСГА (відэа)
19.02.2024 - 16:45
«Заліковая размова» працягваецца з моладдзю Магілёўскай вобласці