Рус Бел Eng 中文

Фінал абласнога этапу агляду-конкурсу рэспубліканскага фестывалю «Не старэюць душой ветэраны» пройдзе 4 сакавіка ў Магілёве

Фінал абласнога этапу агляду-конкурсу XV Рэспубліканскага фестывалю народнай творчасці ветэранскіх калектываў «Не старэюць душой ветэраны» пройдзе 4 сакавіка ў Магілёве. Пра гэта паведамілі ў абласным метадычным цэнтры народнай творчасці і культурна-асветнай працы, на базе якога адбудзецца мерапрыемства.

У 17.30 на сцэне КЗ «Магілёў» пачнецца канцэртная праграма, у якой прыме ўдзел больш за 20 творчых калектываў і індывідуальных выканаўцаў. Яны выступяць у вакальна-харавым, музычным, харэаграфічным, тэатральным, сольным выканальніцтве і інструментальных жанрах. На выставе дэкаратыўна-прыкладнога і выяўленчага мастацтва (адкрыецца ў 16.30) сваю творчасць прэзентуюць 24 удзельнікі. Найлепшыя прадставяць Магілёўшчыну падчас заключнага этапу фестывалю, які адбудзецца ў маі ў Мінску.

Суразмоўцы дадалі, што ў занальных праглядах у Чэрыкаве (19 лютага), Бабруйску (20 лютага) і Магілёве (26 лютага) прынялі ўдзел каля 800 калектываў, індывідуальных выканаўцаў з устаноў культуры і адукацыі, грамадскіх аб’яднанняў, прафкамаў прадпрыемстваў усіх раёнаў і гарадоў вобласці.

Мэтай агляду-конкурсу з’яўляецца героіка-патрыятычнае выхаванне насельніцтва, арганізацыя вольнага часу ветэранаў, павышэнне мастацкага ўзроўню выканальніцкага майстэрства і сцэнічнай культуры ветэранскіх аматарскіх калектываў, папаўненне іх рэпертуару найлепшымі ўзорамі айчыннай і сусветнай мастацкай культуры.

Арганізатарамі мерапрыемства выступаюць упраўленне культуры Магілёўскага аблвыканкама, Магілёўскі абласны метадычны цэнтр народнай творчасці і культурна-асветнай работы, Магілёўскае абласное аб’яднанне прафсаюзаў, Магілёўская абласная арганізацыя ветэранаў.

Пры выкарыстанні матэрыялаў актыўная гіперспасылка на mogilev-region.gov.by абавязковая