Форум па супрацоўніцтве ў галіне адукацыі Цяньцзінь - Магілёў праходзіць у МДУ імя А.А. Куляшова

У мерапрыемстве бяруць удзел прадстаўнікі кітайскага горада Цяньцзіня, прадстаўнікі абласной вертыкалі ўлады, кіраўніцтва магілёўскага ўніверсітэта і іншых устаноў адукацыі Магілёва.

Удзельнікі форуму ўзнімалі тэмы вывучэння кітайскай мовы ў Беларусі, развіцця сумесных даследаванняў, стварэнне навучальных платформ, развіццё тэхналогій і галін у галіне адукацыі. «Адукацыя як для Беларусі, так і для Кітая - гэта будучыня. Важна, што беларусы і кітайцы працягваюць будаваць адукацыйныя праекты, збліжаюць моладзь у вывучэнні рускай і кітайскай моў у дзвюх дзяржавах. Мы хочам актыўна гэтае супрацоўніцтва паглыбляць: чым больш маладыя людзі даведаюцца пра культуру дзвюх краін, тым мацней развіта наша ўзаемадзеянне ў розных сферах», — адзначыў намеснік старшыні Магілёўскага аблвыканкама Руслан Страхар.

Таксама прысутныя абмяркоўвалі пытанне ўмацавання супрацоўніцтва паміж МДУ імя А.А. Куляшова і Цяньцзіньскім універсітэтам замежных моў, які ўключае абмен студэнтамі, напісанне сумесных праграм і іншае. «МДУ імя А.А. Куляшова мае ўсе шанцы стаць сёмым Інстытутам Канфуцыя ў Беларусі. Лічба сімвалічная. Рашэнне аб адкрыцці цэнтра кітайскай мовы і культуры ў нашай ВНУ прынята ўжо на высокім урадавым узроўні. Гэты прэстыжны статус адразу ўнясе ўніверсітэт у рэйтынг прыкметных устаноў адукацыі Беларусі і Кітая», — падкрэсліў рэктар Дзяніс Дук.

Па выніку форуму кітайскі і магілёўскі бакі падпісалі шэраг дагавораў аб супрацоўніцтве.

Цяпер ва ўніверсітэце для кітайскіх гасцей праходзіць экскурсія.

mogilevnews.by