«Галасую за моцную дзяржаву і яе галоўнае багацце – людзей і зямлю». Думка

Першы намеснік старшыні Мсціслаўскага райвыканкама – начальнік упраўлення сельскай гаспадаркі і харчавання Дзмітрый Акуліч – прыйшоў на выбарчы ўчастак для галасавання № 2, размешчаны ў будынку Мсціслаўскага дзяржаўнага будаўнічага каледжа, з сям’ёй. А яна ў яго вялікая: жонка Наталля і пяцёра дзяцей: 9-гадовы Яраслаў, 7-гадовая Насця, Ксенія, якой пяць з паловай гадоў, Юля і Сафія, якім у красавіку споўніцца адпаведна 4 і 2 гады.

– Рэферэндум – важная падзея ў жыцці кожнага чалавека, хачу, каб мае дзеці гэта разумелі, – падкрэслівае Дзмітрый Міхайлавіч. – Мы з жонкай галасуем за сацыяльна арыентаваную, стабільную дзяржаву, за моцную сям’ю, за дзяржаву, у якой створаны ўмовы для шчаслівага будучага нашых дзяцей. Зямля і людзі – галоўнае багацце краіны. Мы робім выбар на карысць мірнай Беларусі, дзе жывуць працавітыя людзі, якія гадуюць хлеб, ствараюць высокатэхналагічную прадукцыю, захоўваюць і памнажаюць нацыянальныя традыцыі, беражліва адносяцца да гістарычнай памяці.

СБ