Галоўны офіс Дзеда Мароза пачне працаваць у Магілёве 21 снежня

Галоўны офіс Дзеда Мароза пачне працаваць у Магілёве 21 снежня. Пра гэта паведамілі ў Палацы культуры вобласці.

У маленькіх гасцей офіса будзе магчымасць пагутарыць з Дзедам Марозам, атрымаць навагодні падарунак. Акрамя гэтага, для дзяцей падрыхтуюць забаўляльную праграму, конкурсы і разнастайныя заданні. Тут жа будзе ўсталявана спецыяльная паштовая скрыня, куды дзеці змогуць апусціць ліст са сваімі навагоднімі жаданнямі або перадаць яго асабіста ў рукі Дзеду Марозу.

Наведванне галоўнага офіса магчыма толькі па папярэднім запісе. «Гэта неабходна для таго, каб не дапускаць вялікай колькасці людзей», – адзначылі ва ўстанове культуры.

Заяўкі на наведванне галоўнага офіса Дзеда Мароза прымаюцца па тэлефонах 8(0222) 64-60-72, 8(0222) 76-50-18.

Офіс будзе працаваць да 30 снежня.

БЕЛТА