Генадзь Дзенгалёў: Беларусь і Расія ў аснову ставяць нашых людзей

Намеснік старшыні Магілёўскага аблвыканкама Генадзь Дзенгалёў разам з губернатарам Бранскай вобласці Аляксандрам Багамазам і пракурорам Бранскай вобласці Аляксандрам Вайтовічам уручылі ключы ад кватэр дзецям-сіротам і дзецям, якія засталіся без апекі бацькоў.

Дом быў пабудаваны ў вёсцы Латышы Жукоўскага раёна. На расійскай зямлі яго ўзводзіў Магілёўскі домабудаўнічы камбінат.

«Вялікі дзякуй нашаму земляку, старшыні Магілёўскага аблвыканкама Анатолю Ісачанку, магілёўскім будаўнікам за тое, што пабудавалі гэты цудоўны дом хутка і якасна», - адзначыў Аляксандр Багамаз.

Дарэчы, дом мае тры паверхі, у ім размешчана 42 кватэры. У будынка індывідуальны апал, а ў кожнай кватэры ўсталявана сантэхніка і пліта. Побач размяшчаюцца дзіцячы сад-школа і спыненне грамадскага транспарту.

«Любая нармальная дзяржава ставіць сабе задачу - клапаціцца, у першую чаргу, аб сваім насельніцтве. Беларусь і Расія ў аснову ставяць нашых людзей. Вось гэты дом з'яўляецца яскравым прыкладам палітыкі дзяржавы. Мы ўдзячныя, што дазволілі нам паўдзельнічаць у такім правільным пытанні, паказаць, што мы ўмеем. Для нас гэта не бізнэс, не камерцыйны праект. Гэта даніна таму, што ёсць паміж нашымі народамі. Гэта яшчэ адзін сімвал моцнага сяброўства вялікай Расіі і маленькай, але гордай Беларусі!», - сказаў намеснік старшыні Магілёўскага аблвыканкама Генадзь Дзенгалёў.

Рэд.