Генадзь Дзенгалёў: гандлёва-эканамічнае супрацоўніцтва паміж Магілёўскай і Смаленскай абласцямі характарызуецца станоўчай дынамікай

Гандлёва-эканамічнае супрацоўніцтва паміж Магілёўскай і Смаленскай абласцямі характарызуецца дадатнай дынамікай. Аб гэтым заявіў сёння падчас сустрэчы прадстаўнікоў двух рэгіёнаў намеснік старшыні Магілёўскага аблвыканкама Генадзь Дзенгалёў.

Так, з 2020 года аб'ём знешняга гандлю вырас у 1,7 раза з $145 млн. да $249 млн. у 2024 годзе.

«Мы экспартуем у Смаленскую вобласць шырокі асартымент малочнай прадукцыі, масла сметанковае, сыры, тварог, вырабы з цэменту, дэталі будаўнічыя з пластмас і многае іншае, - падкрэсліў Генадзь Дзенгалёў. - Закупляем у асноўным сыравінныя кампаненты для нашых вытворчасцей».

У сваю чаргу кіраўнік Смаленскай дэлегацыі - паўнамоцны прадстаўнік Урада Смаленскай вобласці ў Рэспубліцы Беларусь Аляксей Казакоў адзначыў, што для іх рэгіёну важны будаўнічы вопыт шматкватэрных жылых дамоў, аб'ектаў сацыяльнай інфраструктуры, які ёсць на Магілёўшчыне.

Дарэчы, будаўнічы комплекс Магілёўскай вобласці ўключае больш за 1,0 тыс. арганізацый дзяржаўнай і прыватнай формы ўласнасці. У гэтай сферы па рэгіёне занята больш за 12 тыс. работнікаў арганізацый, якія ажыццяўляюць архітэктурную, горадабудаўнічую і будаўнічую дзейнасць.

Спецыялісты будаўнічых арганізацый Магілёўскай вобласці паспяхова працуюць па ўсіх напрамках - прамысловае і грамадзянскае будаўніцтва, узвядзенне аб'ектаў аховы здароўя і сельскай гаспадаркі, спартыўных збудаванняў, жылых кварталаў.

Асваенне інавацыйных тэхналогій дае магчымасць будаўніча-мантажным арганізацыям увасабляць у жыццё самыя смелыя архітэктурныя рашэнні, узводзіць унікальныя збудаванні, праводзіць рэканструкцыю і рэстаўрацыю.

Так, за 2024 год па Магілёўскай вобласці ўведзена ў эксплуатацыю агульнай плошчы жылля склаў 405,879 тыс. кв. метраў.

Адным з самых буйных прадпрыемстваў, якія ўваходзяць у сістэму камітэта па архітэктуры і будаўніцтве аблвыканкама, з'яўляецца КУП «Магілёўаблдарбуд».

За 2024 год адрамантавана і ўведзена ў эксплуатацыю мясцовых аўтамабільных дарог - 444,117 км і мастоў 118,75 паг. м.

Сёння госці наведалі адну з найбуйнейшых будаўнічых арганізацый вобласці па вытворчасці і будаўніцтве шматкватэрных жылых дамоў - Магілёўскі домабудаўнічы камбінат, а таксама аб'екты, якія пабудаваны і будуюцца гэтым прадпрыемствам.

Дарэчы, на сённяшні дзень магутнасць прадпрыемства складае 75,9 тыс. м2 жылля ў год. Важнай перавагай з'яўляецца ўласная вытворчасць будматэрыялаў.

На сучасным нямецкім і італьянскім абсталяванні вырабляюцца вырабы для новай серыі дамоў каркасна-панэльнай канструктыўнай сістэмы, жалезабетонныя і бетонныя канструкцыі, а таксама вырабляецца таварны бетон, сухія бетонныя сумесі, металаканструкцыі і дробнаштучныя вырабы з пластмасы.

Акрамя таго, дэлегацыя Смаленскай вобласці нанесла візіт ААТ «Магілёўліфтмаш». Прадпрыемства цесна супрацоўнічае са Смаленшчынай, пастаўляючы ліфты на адрас спажыўцоў.

Так, летась у Смаленскую вобласць было пастаўлена 179 ліфтаў на суму $2,572 млн. За тры месяцы бягучага года пастаўлена 32 ліфты на суму $597 тыс.

Цяпер вядуцца перагаворы па стварэнню на тэрыторыі Смаленскай вобласці зборачнага прадпрыемства па вытворчасці ліфтавага абсталявання.

Трэба адзначыць, што ў лютым бягучага года дэлегацыя Смаленскай вобласці наведвала Прыдняпроўскі край і азнаёмілася з работай дрэваапрацоўчай галіны.

Галіна Гаўрыловіч, фота аўтара