У Горках прайшлі абласныя фінальныя спаборніцтвы сярод дзяцей і падлеткаў па хакеі «Залатая шайба» на прызы Прэзідэнта Рэспублікі Беларусь.
У Лядовай арэне за пуцёўку на рэспубліканскі этап турніру змагаліся каманды дывізіёна «А» ў малодшай узроставай групе – хлопцы 2003–2005 гадоў нараджэння.
Па выніках спаборніцтваў золата дасталася гульцам Горак, якія і будуць прадстаўляць Магілёўскую вобласць у фінале. Серабро павезлі юныя хакеісты з Бабруйска. Трэцяе месца – у Магілёўскай каманды.
Нагадаем: у дывізіёне «А» ўдзельнічаюць каманды раёнаў і гарадоў, дзе маюцца фізкультурна-спартыўныя збудаванні са штучным лёдам.
Упершыню турнір «Залатая шайба» прайшоў у СССР у зімовым сезоне 1964–1965 гадоў пасля таго, як у газеце «Піянерская праўда» быў апублікаваны заклік «На старт, сябры! Залатая шайба кліча!». Родапачынальнікам спаборніцтваў быў вядомы трэнер Анатоль Тарасаў.
З 1997 года «Залатая шайба» з’яўляецца адным з самых папулярных дзіцяча-юнацкіх спартыўных турніраў Беларусі. Шмат у чым дзякуючы гэтым спаборніцтвам ва ўсіх раёнах краіны дзіцячы хакей атрымаў масавае развіццё. Галоўная ўмова і адметная рыса спаборніцтваў – удзел у турніры выключна дваровых каманд. У той жа час шлях з «Залатой шайбы» у прафесіяналы цалкам магчымы, па выніках спаборніцтваў хлопцы не раз траплялі ў спецыялізаваныя спартыўныя навучальныя ўстановы.
Па матэрыяле bobruisk.by
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23