У павільёне нацыянальнага паштовага аператара РУП «Белпошта» на рэспубліканскім свяце «Купалле» («Александрыя збірае сяброў – 2024») супрацоўнікі Магілёўскага філіяла РУП «Белпошта» прэзентуюць наведвальнікам папулярныя паслугі і новыя сэрвісы кампаніі. Пра гэта расказалі арганізатары свята
Ахвочыя змогуць набыць паштовыя карткі і адправіць іх бясплатна па тэрыторыі Рэспублікі Беларусь, таксама можна будзе аформіць дабрачынную падпіску на адрас дзіцячых дамоў «Падары дзіцяці радасць».
«Будзе прапанаваны шырокі асартымент паштовай прадукцыі рознай тэматыкі: мастацкія канверты, філатэлістычныя наборы, паштовыя карткі, друкаваныя сродкі масавай інфармацыі і тавары спажывецкага попыту, а таксама сувенірная прадукцыя са святочным лагатыпам, - падзяліліся суразмоўцы. – Акрамя таго, будзе працаваць тэматычная фотазона «Купалле-2024», дзе можна вырабіць персанальную паштовую картку са сваёй выявай».
Госці свята змогуць прыняць удзел у бяспройгрышнай латарэі, а таксама пагуляць у незвычайныя шашкі.
Для дэманстрацыі будзе выстаўлены стэнд марак з дапоўненай рэальнасцю. Пры навядзенні на марку камеры тэлефона можна будзе палюбавацца на тое, як расцвітае «папараць-кветка».
Галіна Гаўрыловіч, фота аўтара (з архіва)
Пры выкарыстанні матэрыялаў актыўная гіперспасылка на mogilev-region.gov.by абавязковая
08.07.2024 - 15:47
Больш за 200 удзельнікаў збярэ абласны турзлёт работнікаў аховы здароўя Магілёўскай вобласці
08.07.2024 - 09:22
Пераможцаў творчых конкурсаў РГА «Белая Русь» узнагародзілі ў Магілёве
08.07.2024 - 09:06
І зноў рэкорд: «Купалле» ў Александрыі наведала больш за 96 тысяч гасцей
06.07.2024 - 21:50
Галоўнай тэмай маладзёжнай пляцоўкі на Александрыі стала 80-годдзе вызвалення Беларусі
06.07.2024 - 19:46