RU BY EN 中文
Twitter Instagram

Гульні, танцы і яркія фотазоны: у «Чароўную краіну дзяцінства» запрашаюць магіляўчан 1 чэрвеня

Магіляўчан і гасцей горада запрашаюць на вялікае свята пад адкрытым небам «Чароўная краіна дзяцінства», якое пройдзе ў Дзень абароны дзяцей. Пра гэта паведамілі ў Магілёўскім гарвыканкаме.

Тэматычнае свята разгорнецца ў гарадскім парку Падміколле 1 чэрвеня. Праграма будзе яркай і насычанай, цікавай і дарослым, і дзецям.

Гасцей будуць чакаць майстар-класы па маляванні, танцах, спевах і выяўленчай творчасці, разнастайныя гульнявыя праграмы для дзяцей усіх узростаў, інтэрактыўныя пляцоўкі. Таксама ў парку размесціцца выстава творчых работ юных мастакоў. Для таго каб гэты святочны дзень захаваўся ў памяці, у парку ўсталююць яркія фотазоны.

У парку пройдзе канцэртная праграма з удзелам таленавітых артыстаў горада.

Свята пачнецца ў 12.00 і працягнецца да 15.00.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая