Ігар Карпенка: ЦВК заўсёды гатовы да правядзення выбарчых кампаній

ЦВК заўсёды гатовы да правядзення выбарчых кампаній. Аб гэтым заявіў старшыня ЦВК Ігар Карпенка ў эфіры тэлеканала АНТ.

«Для ЦВК не прынцыповая любая прызначаная дата для правядзення любых выбараў, таму што ЦВК павінна быць заўсёды гатова. У нас ужо былі падрыхтаваны ў тым ліку і метадычныя рэкамендацыі, якія найбольш аб'ёмныя для тэрытарыяльных, участковых камісій. Мы сур'ёзна працавалі над візуальнай канцэпцыяй прэзідэнцкай выбарчай кампаніі. Цяпер, вядома, мы чакаем тых, хто прыйдзе рэгістраваць ініцыятыўныя групы па зборы подпісаў. Асаблівасць прэзідэнцкай выбарчай кампаніі ў тым, што вылучэнне кандыдатаў у прэзідэнты адбываецца адным шляхам - шляхам збору подпісаў грамадзян. Не менш за 100 тыс. такіх подпісаў неабходна будзе прадставіць у Цэнтральную выбарчую камісію», - адзначыў Ігар Карпенка.

У кіраўніка ЦВК пацікавіліся, колькі, на яго думку, можа быць прозвішчаў у бюлетэні. «Цяжка прагназаваць. На стадыі збору подпісаў можа быць і 5-6, дапусцім, ініцыятыўных груп. Хто збярэ (неабходныя 100 тыс. подпісаў. - Заўвага БЕЛТА) у агульнай складанасці, можа быць, у бюлетэні будзе тры-чатыры прозвішчы, магчыма. Цяжка пакуль гэта прадказаць», - дапоўніў Ігар Карпенка.

Выбары Прэзідэнта Беларусі назначаны на 26 студзеня 2025 года. Па 1 лістапада ЦВК Беларусі здзяйсняе прыём дакументаў для рэгістрацыі ініцыятыўных груп грамадзян па зборы подпісаў выбаршчыкаў у падтрымку вылучэння кандыдатаў у Прэзідэнты Рэспублікі Беларусь.

БЕЛТА