Ігар Карпенка патлумачыў, чаму ЦВК не публікуе персанальныя дадзеныя сябраў камісій

Старшыня ЦВК Ігар Карпенка патлумачыў журналістам, чаму ЦВК не публікуе персанальныя дадзеныя сябраў камісій.

«Адносна бяспекі, нагадаю, што мы не будзем публікаваць персанальныя дадзеныя сябраў камісій. Але гэта ня значыць, што гэтыя людзі будуць безназоўнымі. Яны будуць працаваць на ўчастках, у іх будуць бэйджы. Можна звярнуцца ў выпадку нейкіх пытанняў да гэтых людзей. Але мы не будзем друкаваць гэтыя агульныя спісы», - адзначыў Ігар Карпенка.

«Наконт гэтага крыкаў вельмі шмат, асабліва за мяжой, як гэта мы гэтыя спісы не надрукавалі. Мы гэтыя спісы надрукуем, потым спецслужбы пачынаюць гэтыя спісы прапрацоўваць, а потым ідуць плыні розных лістоў з пагрозамі не толькі гэтым людзям, але і ў адрас іх сем'яў, блізкіх, родных і гэтак далей. Навошта ж мы будзем гэта дапушчаць? Калі ў кагосьці ёсць пытанні, хто працуе ў камісіі, няхай звяртаюцца, мы ў Цэнтральнай выбарчай камісіі растлумачым і высветлім, для якіх мэт яны цікавяцца», - дапоўніў кіраўнік ЦВК..

БЕЛТА