Игар Сергяенка: ключавой падзеяй УНС будзе зварот Прэзідэнта з пасланнем да парламента і беларускага народа

Ключавой падзеяй УНС будзе зварот Прэзідэнта з Пасланнем да парламента і беларускага народа, заявіў старшыня Палаты прадстаўнікоў Ігар Сергяенка на пасяджэнні Савета Палаты прадстаўнікоў.

«У красавіку адбудзецца чарговае пасяджэнне Усебеларускага народнага сходу, дэлегатамі якога з'яўляюцца ўсе дэпутаты Палаты прадстаўнікоў. Безумоўна, ключавой падзеяй будзе зварот Прэзідэнта Рэспублікі Беларусь Аляксандра Лукашэнкі са штогадовым Пасланнем да парламента і беларускага народа, у якім кіраўнік дзяржавы расставіць акцэнты ва ўнутранай і знешняй палітыцы краіны. І задача парламента, як і ўсіх галін улады, забяспечыць дакладную рэалізацыю курса, абазначанага лідарам нашай краіны», - сказаў Ігар Сергяенка.

Акрамя таго, анансавана, што на УНС урад дасць справаздачу аб выкананні праграмы сацыяльна-эканамічнага развіцця Беларусі, а таксама абазначыць контуры стратэгіі на наступную пяцігодку, адзначыў спікер. «Мы павінны падысці да гэтага мерапрыемства падрыхтаванымі, з бачаннем тых напрамкаў, у якія можам унесці свой уклад», - падкрэсліў ён.

«Асаблівая ўвага кіраўніком дзяржавы ўдзяляецца пытанням эканомікі, інвестыцыйнага патэнцыялу краіны, падтрымцы бізнесу, пытанням рэгулявання цэнавай палітыкі. Так, сёння сітуацыя ў эканоміцы стабільная і кіруемая. Два гады запар (у 2023 і 2024 гадах) яна паказвала рост вышэйшы за сярэднесусветныя значэнні. Валавы ўнутраны прадукт за 2024 год вырас на 4 працэнты да мінулага года пры заданні 3,8 працэнта. Рэальныя даходы насельніцтва выраслі на 9,7 працэнта (пры прагнозе 3,5 працэнта). Інфляцыя за мінулы год склала крыху ніжэй, чым прагноз 6 працэнтаў. Добрыя рэзультаты атрыманы і ў студзені бягучага года, - дадаў Ігар Сергяенка. - У завяршальны год пяцігодкі трэба прыкласці ўсе намаганні для дасягнення ўстаноўленых параметраў. І наша задача - унесці ў гэта свой уклад».».

БЕЛТА