RU BY EN 中文
Twitter Instagram

III Рэспубліканскі конкурс - фестываль RoskvitBY абвясціў старт прыёму заявак

Шматжанравы фестываль творчасці «RoskvitBY» пройдзе 31 кастрычніка–1 лістапада ў Магілёве. Заяўкі на ўдзел прымаюцца да 21 кастрычніка на сайце www.festivali.by. Намінацыі: вакал, харэаграфія, інструментальная, тэатральная і выяўленчая творчасць.

Паводле слоў арганізатараў форуму, у канкурсантаў будзе магчымасць паказаць свой талент знакамітаму журы, атрымаць фірмовы падарунак і дыплом, а таксама пазмагацца за галоўны прыз (ВК-тэлевізар) і званне абсалютнага пераможцы.

«Для кожнага творчага чалавека вельмі важна паказаць свой талент знакамітаму журы, рэжысёрам, прадзюсарам, прадстаўнікам культуры і ўладам горада, быць заўважанымі і ў далейшым запатрабаванымі ў канцэртах і праектах рознага ўзроўню. Наш конкурс-фестываль накіраваны менавіта на прадастаўленне такой магчымасці. Конкурс праходзіць у 5 намінацыях: вакальная, харэаграфічная, інструментальная, тэатральная і выяўленчая творчасць. Найлепшым у кожнай намінацыі мы стараемся даць магчымасць развіцця. Напрыклад, удзельніца першага RoskvitBY Ілона Камаско сёлета будзе ўжо вядучай, а ўладальнікі гран-пры запрошаныя на прэс-канферэнцыю з удзелам аргкамітэта і СМІ»,– расказаў аўтар праекта Аляксандр Лаўрыновіч.

RoskvitBY сёлета падтрымлівае Магілёўскі гарадскі выканаўчы камітэт. Актыўны ўдзел у арганізацыі і правядзенні праекта прымае намеснік старшыні гарвыканкама Ала Галушка:

«Праект становіцца важным для культуры і для горада ў цэлым, калі зарэкамендуе сябе. Конкурс-фестываль RoskvitBY праходзіць у горадзе трэцім разам. Трэцім разам да нас у Магілёў прыедуць таленавітыя ўдзельнікі з усёй краіны. У чарговы раз Магілёў дакажа свой высокі культурны складнік, гасцінна сустрэўшы удзельнікаў і гасцей. Аргкамітэт конкурсу-фестывалю ўпэўнены, што RoskvitBY стане яркай старонкай у творчай біяграфіі кожнага ўдзельніка»,– падзялілася Ала Аляксандраўна.

Узнагароджанне канкурсантаў у дзень выступлення, падарунак кожнаму ўдзельніку, запрашэнні пераможцаў для ўдзелу ў міжнародных фестывалях, падзякі педагогам, каштоўныя прызы ад партнёраў конкурсу і многае іншае чакае ўсіх удзельнікаў RoskvitBY 2020!

Азнаёміцца з Палажэннем і падаць заяўку на ўдзел можна да 21 кастрычніка на сайце www.festivali.by

Кантактная інфармацыя па тэл.+375(29)8466767

Палажэнне аб падрыхтоўцы і правядзенні III Рэспубліканскага шматжанравага конкурсу-фестывалю творчасці «RoskvitBY»

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая