Каля 2,5 тыс. т бярозавага соку плануюць сабраць лясгасы Магілёўскай вобласці ў гэтым сезоне

У найбліжэйшы час лясгасы Магілёўскага дзяржаўнага вытворчага лесагаспадарчага аб’яднання, за выключэннем Краснапольскага, маюць намер прыступіць да нарыхтоўкі бярозавага соку. За сезон плануецца сабраць каля 2,5 тыс. т соку, з якіх прыкладна 400 т–рэалізаваць насельніцтву, паведамілі ў Магілёўскім ДВЛГА. 

Жыхары Прыдняпроўскага краю змогуць набыць бярозавы сок на тэрыторыі лясніцтваў. Для гэтага трэба прыехаць у лясгас. Спецыялісты пакажуць, дзе ідзе нарыхтоўка. Адправіцца туды і набраць сок з ужо падсочаных бяроз. Літр, набыты проста на лесасеку, абыдзецца, да прыкладу, у Бялыніцкім лясгасе–у 16 кап., Бабруйскім, Быхаўскім – 22 кап., Магілёўскім–35 кап.

Ёсць магчымасць набыць бярозавы сок непасрэдна са склада лясгаса (з ёмістасці) у сваю тару. Так, у Бялыніцкім лясгасе літр абыдзецца ў 22 кап., Быхаўскім і Клічаўскім–па 25 кап., у Магілёўскім лясгасе – 50 кап.

Таксама ў Магілёўскім лясгасе пакупнікам прапануюць ужо разліты сок: бутлі па 5 л. за 3 руб. 50 кап. і па 10 л–6 руб. 50 кап.

Акрамя таго, бярозавы сок можна «здабыць» самастойна. Пры гэтым Магілёўскае дзяржаўнае лесагаспадарчае аб’яднанне нагадвае аб неабходнасці захавання патрабаванняў да нарыхтоўкі і збору соку, устаноўленых заканадаўствам. Нарыхтоўваць сок можна ў насаджэннях, прызначаных для высечак галоўнага карыстання, але не раней чым за 5 гадоў да іх рубкі. А таксама на ўчастках, адведзеных для правядзення іншых высечак і высечак прамежкавага карыстання ў год высечкі.

Пры ажыццяўленні нарыхтоўкі бярозавага соку юрыдычныя асобы і ІП павінны мець лясны білет, выпісаны юрыдычнай асобай, якая вядзе лясную гаспадарку (лясгас). Атрымаць інфармацыю аб такіх участках можна ў лясгасах і лясніцтвах.

Парушэнне правілаў нарыхтоўкі соку згодна з артыкулам 16.19 КаАП РБ Парушэнне правілаў нарыхтоўкі, збору або закупкі грыбоў, іншых дзікарослых раслін або іх частак цягне папярэджанне або накладанне штрафу:

1. Збор або нарыхтоўка грыбоў, іншых дзікарослых раслін або іх частак (пладоў, ягад, насення і інш.), драўнянага соку на тэрыторыі, дзе такія нарыхтоўкі або збор забароненыя, або іх нарыхтоўка або збор без дазвольнага дакумента, калі яго атрыманне абавязкова, ці не ў адпаведнасці з ім цягнуць накладанне штрафу ў памеры да дваццаці базавых велічынь, на індывідуальнага прадпрымальніка – да ста базавых велічынь, а на юрыдычную асобу – да пяцісот базавых велічынь.

2. Парушэнне ўстаноўленых тэрмінаў, прымяненне забароненых сродкаў або метадаў збору або нарыхтоўкі грыбоў, іншых дзікарослых раслін або іх частак, драўнянага соку або іншае парушэнне правілаў збору або нарыхтоўкіцягнуць накладанне штрафу ў памеры да дваццаці базавых велічынь, на індывідуальнага прадпрымальніка – да ста базавых велічынь, а на юрыдычную асобу – да пяцісот базавых велічынь.

Пры ажыццяўленні нарыхтоўкі бярозавага соку важна захаванне тэхналогіі і правілаў нарыхтоўкі соку:

• колькасць подсочных адтулін залежыць ад дыяметра дрэва (пры дыяметры 20–26 см – адна адтуліна; пры дыяметры 27–34 см – дзве адтуліны; пры дыяметры 35–40 сантыметраў – тры адтуліны; пры дыяметры больш за 40 см – чатыры адтуліны);

• каналы для подсочных адтулін свідруюць буравам адразу пасля пачатку руху соку. Каналы высвідроўваюць з некаторым ухілам уніз для найлепшага сцёку соку. Дыяметр канала – адзін сантыметр, глыбіня–два-тры сантыметры без уліку таўшчыні кары;

• у падрыхтаваную адтуліну для сцёку соку ўстаўляецца жалабок, выраблены з нержавейнай сталі або са свежазрэзаных расткоў ляшчыны, клёну або ліпы, даўжынёй дванаццаць-дваццаць сантыметраў. Пад жалабкамі павінны быць устаноўлены соказбіральнікі (шкляныя або эмаляваныя ёмістасці, поліэтыленавыя мяшкі і да таго падобнае);

• новая адтуліна павінна быць прасверлена на адлегласці не менш за дваццаць сантыметраў ад старой адтуліны;

• сок збіраюць па меры напаўнення соказбіральнікаў, але не радзей за адзін раз на суткі.

• пасля заканчэння сезона падсочкі жалабкі павінны быць зняты, а адтуліны закрыты драўляным коркам і замазаны варам, садовай маззю, глінай з вапнай або жывіцай, якая змяшчае пятнаццаць-дваццаць працэнтаў драўнянага вугалю, для папярэджання захворвання дрэў.