Каля 70 адзінак тэхнікі і больш за 500 чалавек ухіляюць наступствы непагадзі ў Магілёве. Пра гэта расказаў намеснік генеральнага дырэктара па добраўпарадкаванні МДКУП «Упраўленне камунальных прадпрыемстваў» Дзяніс Койда.
У Магілёве на ўборцы снегу задзейнічаны чатыры прадпрыемствы. Так, за ачыстку дваровых тэрыторый адказваюць ЖРЭУ Ленінскага і Кастрычніцкага раёнаў, паркаў і сквераў - КВУП «Магілёўзелянбуд», вуліц, дарог і тратуараў - гарадское дарожна-маставое прадпрыемства. Тэхніка выйшла на лінію ўжо ноччу, каб гараджане змаглі бесперашкодна дабрацца да сваіх месцаў працы і вучобы на асабістым і грамадскім транспарце.
Паводле слоў дырэктара Магілёўскага гарадскога дарожна-маставога прадпрыемства Дзмітрыя Бірукова, толькі на цэнтральных вуліцах горада зараз працуюць больш за 130 дворнікаў і каля 30 адзінак спецтэхнікі: задзейнічаны пагрузчыкі, трактарныя шчоткі з паліцамі, камбінаваныя дарожныя машыны.
Праца па ўхіленні наступстваў непагадзі ў Магілёве вядзецца камунальнымі службамі ва ўзмоцненым рэжыме. У першую чаргу расчышчаюцца магістральныя вуліцы, пункты прыпынку, лесвіцы, масты і пуцеправоды, а таксама падыходы і дарожкі да іх. Стаіць задача хутка і якасна прыбраць горад ад снегу. У арганізацыі сваёй працы камунальныя службы арыентуюцца на ўмовы надвор'я: пакуль снег ідзе, будуць прыбіраць.
Пры выкарыстанні матэрыялаў актыўная гіперспасылка на mogilev-region.gov.by абавязковая
