Каманда маладых спецыялістаў магілёўскай «Фармацыі» стала пераможцам інтэлектуальнага квіза

У Магілёве прайшоў II гарадскі маладзёжны інтэлектуальны квіз «Пра_Беларусь», арганізаваны гарадскім аб'яднаннем прафсаюзаў. Удзельнікамі спаборніцтва сталі 10 каманд маладых спецыялістаў, пра гэта паведамляецца на інфармацыйным партале федэрацыі прафсаюзаў Беларусі.

Квіз складаўся з пытанняў, звязаных з гісторыяй, геаграфіяй і прамысловасцю Беларусі. Па выніках інтэлектуальнай барацьбы першае месца заняла каманда магілёўскай «Фармацыі», другое месца - у інтэлектуалаў Магілёўскай гарарганізацыі Беларускага прафсаюза работнікаў адукацыі і навукі, трэцяе - дасталася ААТ «Магілёўаблаўтатранс».

- Удзел у квізе «Пра_Беларусь» дазволіў маладым спецыялістам не толькі паглыбіць свае веды аб роднай краіне і яе гісторыі, але і спрыяў згуртаванню ўдзельнікаў, развіццю каманднага духу, уменню хутка прымаць рашэнні, - адзначыла старшыня «пяршоўкі» «Фармацыі» Алена Кузьмічова.

1prof.by