Кампанія «Дамачай» вырабіць да Вялікадня каля 20 тон кулічоў і пернікаў

Каля 20 тон кулічоў і іншай святочнай прадукцыі вырабіць ААТ «Булачна-кандытарская кампанія “Дамачай”» да Вялікадня. Масава ў продаж велікодная здоба пачне паступаць з 17 красавіка, як заўважылі намеснік генеральнага дырэктара па вытворчасці кампаніі Вольга Цімафеенка.

«Асартымент велікоднай прадукцыі ў гэтым годзе прадстаўлены 11 найменнямі: рознымі відамі салодкіх кулічоў, глазураваных кексаў і сувенірных пернікаў, – расказала суразмоўца. – У ліку навінак – кекс «Тварожны»арыгінальны, у склад якога ўвайшлі тварог, сметанковае масла і сушаныя разынкі. Сярод такой разнастайнасці пакупнікі абавязкова знойдуць выраб на свой густ».

Асобную ўвагу прыцягвае эксклюзіўная прадукцыя ручной працы – выпечка, дэкараваная масцічнымі кветкамі і фігуркамі, распісаная рознакаляровай глазурай. Павышаным попытам з году ў год карыстаюцца сувенірныя пернікі ў выглядзе курачак, зайчыкаў і мініяцюрных велікодных кулічоў. Часцей за ўсё іх купляюць да свята дзецям.

Вольга Цімафеенка адзначыла, што з 6 красавіка на прадпрыемстве дзейнічае новая паслуга – дастаўка прадукцыі на дом. Кампанія прапануе шырокі выбар хлебабулачных вырабаў, печыва, пернікаў, сушак, сухароў. Мінімальны заказ можна аформіць ад Br25. Заяўкі прымаюцца на працягу працоўнага дня з 9.00 да 17.00, сама дастаўка бясплатная.

БЕЛТА