КДК Магілёўскай вобласці 15 лютага правядзе «гарачую лінію» па тэме даўгабудаў

У Камітэце дзяржкантролю Магілёўскай вобласці 15 лютага будзе праводзіцца «гарачая лінія»з насельніцтвам рэгіёна на тэму: «Прыняцце ў Магілёўскай вобласці мер па скарачэнні колькасці аб’ектаў звышнарматыўнага будаўніцтва (даўгабудаў)».

У названы дзень грамадзяне з 10.00 да 13.00 па тэлефонах (80222) 62-60-58, (80222) 62-45-99 у г. Магілёве, (80225) 76-50-57 у г. Бабруйску, (802241) 64-184 у г. Крычаве могуць паведаміць інфармацыю аб наяўных на тэрыторыі рэгіёна паўразбураных, закінутых або аварыйных аб’ектах незавершанага будаўніцтва, работы на якіх не вядуцца працяглы час, а таксама выказаць меркаванне аб прычынах, якія садзейнічалі іх з’яўленню і прапановы аб далейшым лёсе такіх аб’ектаў.

Рэд.