КДК Магілёўскай вобласці праводзіць маніторынг цэн на сацыяльна значныя тавары

Камітэтам дзяржкантролю Магілёўскай вобласці прадоўжаны маніторынг выканання суб’ектамі гандлю заканадаўства аб цэнаўтварэнні. Толькі ў пачатку жніўня кантралёрамі выяўлена перавышэнне гандлёвых надбавак на больш чым 40 найменняў тавараў у гандлёвых аб’ектах Бабруйска, Касцюковіцкага і Глускага раёнаў, паведаміў намеснік старшыні Камітэта Алег Стрыгун.

Завышэнні гандлёвых надбавак на тавары для дзіцячага харчавання ўстаноўлены камітэтам і падчас праверкі аднаго з буйных магілёўскіх «сецевікоў» (іх памер часам дасягаў 22% пры дазволеным не больш за 15%). Як вынік – сума незаконнага даходу перавысіла Br9 тыс. Цяпер суб’екту гаспадарання пагражае штраф у двухразовым памеры гэтага даходу.

Усяго ў студзені-ліпені бягучага года Камітэтам спыненыя парушэнні дысцыпліны цэн у 80 гандлёвых аб’ектах са 136, ахопленых маніторынгам. У шэрагу выпадкаў прымененыя гандлёвыя надбаўкі былі ў 7 разоў вышэйшыя, чым устаноўлена заканадаўствам.

Па ўсіх выяўленых Камітэтам парушэннях аператыўна прыняты меры рэагавання.

Рэд.