«Кірмаш вакансій» адбудзецца ў Магілёве 25 красавіка. Мерапрыемства пройдзе з 10.00 да 12.00 у Лядовым палацы (вул. Гагарына,1), паведамілі ва ўпраўленні па працы, занятасці і сацыяльнай абароне гарвыканкама.
На кірмашы плануецца ўдзел спецыялістаў кадравых службаў больш за 30 арганізацый. Таксама арганізуюць працу кансультацыйных пунктаў па пытаннях рэалізацыі Дэкрэта Прэзідэнта Беларусі №3 «Аб садзейнічанні занятасці насельніцтва», легалізацыі працоўнай дзейнасці, магчымасці ажыццяўлення фізічнымі асобамі рамеснай і іншай дзейнасці, якая не патрабуе дзяржаўнай рэгістрацыі ў якасці суб’екта гаспадарання.
Грамадзяне з абмежаванымі магчымасцямі змогуць даведацца тут аб працаўладкаванні на пастаянную працу, перападрыхтоўцы і атрыманні новай прафесіі, праходжанні адаптацыі да ўжо наяўнай, аказанні сацыяльных паслуг у тэрытарыяльных цэнтрах абслугоўвання насельніцтва.
Дарэчы, упраўленне па працы, занятасці і сацыяльнай абароне Магілёўскага гарвыканкама (вул. Касманаўтаў, 17) штотыдзень па суботах з 9.00 да 14.00 ажыццяўляе прыём і кансультаванне грамадзян па пытаннях рэалізацыі Дэкрэта №3.
Пры выкарыстанні матэрыялаў актыўная гіперспасылка на mogilev-region.gov.by абавязковая
03.06.2025 - 13:17
03.06.2025 - 12:35
Прамыя тэлефонныя лініі пройдуць у Магілёўскай вобласці 7 чэрвеня
03.06.2025 - 11:15
Унікальная экспазіцыя. «Цягнік Перамогі» прыбудзе ў Магілёў 28 чэрвеня
03.06.2025 - 10:39
У Магілёве ўшанавалі памяць дзяцей вайны: акцыя «Гірлянда памяці» ад Беларускага дзіцячага фонду