Конкурс дзіцячага малюнка «Нам мір завешчана берагчы» пройдзе ў Беларусі ў I паўгоддзі

Беларускае грамадскае аб'яднанне ветэранаў правядзе ў гэтым годзе конкурс дзіцячага малюнка «Нам мір завешчана берагчы», прысвечаны гераічным старонкам гісторыі Вялікай Айчыннай вайны, паведаміў намеснік старшыні БГАВ Юрый Дзядкоў.

«Выхаванне ў падрастаючага пакалення паважлівага стаўлення да памяці абаронцаў Айчыны, гераічных подзвігаў, здзейсненым у гады Вялікай Айчыннай вайны, застаецца ў актуальным парадку дня. Праз творчасць мы ў тым ліку імкнёмся фарміраваць такія маральныя якасці, як гераізм і патрыятызм», – сказаў Юрый Дзядкоў.

Конкурс праводзіцца ў трох узроставых намінацыях: 5-7 гадоў, 8-11 і 12-15. Удзельнікі могуць дасылаць свае конкурсныя работы па трох тэмах: «Подзвігі герояў у Вялікай Айчыннай вайне 1941-1945 гадоў», «Свята Перамогі вачыма дзяцей», «Дарагія мае ветэраны».

Конкурс пройдзе ў два этапы. На першым – да 30 красавіка – вызначаць лепшыя працы на рэгіянальным узроўні з ліку малюнкаў, накіраваных на адрас ветэранскіх арганізацый абласцей і Мінска. Другі этап адбудзецца з 1 мая па 1 чэрвеня: лепшыя рэгіянальныя працы разгледзіць рэспубліканскі савет БГАВ.

Чакаецца, што вынікі конкурсу будуць падведзены да 20 чэрвеня 2021 года. Прызёры ў кожнай узроставай групе атрымаюць граматы і каштоўныя падарункі.

БЕЛТА