Конкурс «Міс і містэр студэнцтва» пройдзе ў МДУ ім. А.А. Куляшова 10 красавіка

Універсітэцкі этап рэспубліканскага конкурсу таленту, інтэлекту і прыгажосці «Міс і містэр студэнцтва» пройдзе 10 красавіка ў МДУ ім. А.А. Куляшова. Пра гэта расказалі ва ўстанове адукацыі.

Па словах суразмоўцаў 10 лепшых студэнтаў, якія прайшлі папярэдні адбор, будуць спаборнічаць у конкурсах: «Візітоўка», «Дэфіле», «Творчы конкурс».

«На працягу некалькіх тыдняў удзельнікі рыхтаваліся да дэфілы, творчых нумароў, для іх былі праведзены трэнінгі, фотасесіі і відэаздымка, - падзяліліся ва ўніверсітэце. - Па выніках конкурсу вызначацца ўладальнікі тытулаў «Міс студэнцтва» і «Містэр студэнцтва», а таксама пераможцы ў розных намінацыях».

Пачатак конкурсу ў 14.50 па адрасе: Магілёў, вул.Касманаўтаў, 1 (актавая зала навучальнага корпуса № 1).

Рэд.