Конкурс на самую бяспечную ёлачную цацку абвясціла Магілёўскае абласное ўпраўленне МНС

«Конкурс на самую бяспечную ёлачную цацку абвясціла Магілёўскае абласное ўпраўленне МНС. Палёт фантазіі не абмежаваны. Галоўная ўмова – тэматыка МНС і бяспекі», – патлумачыла старшы інспектар абласнога ўпраўлення Міністэрства па надзвычайных сітуацыях Вольга Нехарошых.

Аўтары незвычайных навагодніх цацак стануць ганаровымі гасцямі на Дні нараджэння абласнога цэнтра бяспекі, які будзе адзначацца 28 снежня на Пажарным завулку, і змогуць упрыгожыць сваімі працамі ёлку.

Кампетэнтнае журы падвядзе на свяце вынікі конкурсу, а ўладальнік самай бяспечнай ёлачнай цацкі атрымае падарунак.

Калі па нейкіх прычынах папрысутнічаць на свяце не будзе магчымасці, работы прымаюцца да 28 снежня на адрас: г. Магілёў, зав. Пажарны, 6. Тэлефон для даведак (80222) 29 61 36.